I könnt dein Freund sein, jemand der di net verlaßt, der dir die Hand gibt, wenns d' glaubst, daß d' niemand mehr hast, der net lang fragt, der einfach für di da is, weil er gspürt, daß d' ihn brauchst.

Der dir amol kräftig die Meinung einesagt, net nach dein Mund red, es aushalt, daß d' eahm im Moment dann net magst, der dir net helfen will, damits d' dir selber wieder hilfst.

Der mit dir spaziern geht in der finstern Nacht, daß d' di so richtig füarchst und dann über di selber lachst, der di mit sein Hund, der beißen könnt, alla im Auto laßt, damits d' die Angst verlierst und das Tier in dir amol so richtig gspürst, daß d' schreist, richtig bizelst, wanns d' net brav sein willst, daß d' nacher heulst und dir dabei nix vergibst.

Daß d' a Kind bist im Herzen und doch a erwachsener Mensch, daß di magst, daß d' so sein kannst wias d' bist und dir nix dabei denkst.

Daß d' net verliern brauchst, weil di kaner besitzt, kaner mehr austrickst.

Falls er Dir gefallen hat, dann stimm' für diesen Beitrag.